ILOILO CITY – Ginpasakaan sang kaso sang Ombudsman sa Sandiganbayan si Iloilo City Congressman Jerry Treñas.
Ang kaso may kaangtanan sa ginaalegar maanomalya nga pagpaguwa sang pondo ni Treñas sadtong alkalde pa ini sang Iloilo City, para sa Iloilo Press Club.
Santu sa Ombudsman, sumugod December 2003 tubtob January 2004, nagpaguwa si Treñas sang pondo nga nagalab-ot sa P500,000 para sa pagtukod sang IPC office sa Barangay San Pedro, Molo.
Suno sa Ombudsman, wala dapat magsulod sa nasambit nga proyekto si Treñas bangud ang IPC indi man non-governmental organization nga accredited sang siyudad.
Ginpahayag sang Ombudsman nga naglapas ang mamalidha sang pagsulundan sang Commission on Audit (COA) bangud wala sini namonitor ang proyekto.
Tubtob subong suno sa Ombudsman nagapabilin nga unaccounted ang proyekto bangud sang kakulangan sang mga dokumento kag status report.
P30,000 nga piyansa ang ginrekomenda sang korte para sa temporaryo nga kahilwayan sang Iloilo City congressman.