Patigayunon subong nga aga ang awarding of prizes sa mga tagdaog sa ginpatigayon nga Grand Draw sang Buena Mano Salvo Year 20 Promo sang Bombo Radyo kag Star FM.
Hiwaton ini simultaneous nationwide sa tanan nga Bombo Radyo kag Star FM stations.
Ang Grand Prize winner nga makabaton sang P1-million amo si Sheryl Tiologo, 39-anyos, kag residente sang Matin-ao, Barangay Bonbon, Butuan City.
Nag-gamit siya sang Proof of Purchase nga Universal Robina Corporation products.
Siya ang ika-81 nga katapo sang Bombo Millionaire’s Club.
Una na sini ginpahayag nga plano sini nga magdonar sa simbahan, magpakay-o sang balay, magbakal sang salakyan, kag magdugang sang pangkapital sa ila negosyo.
Magluwas sa winner sang P1-million, may apat naman nga nakadaog sang regional prizes nga tag-P50,000.
Sa Luzon, ang tagdaog sang P50,000 amo ang halin sa area sang Bombo Radyo Laoag. Ini amo si Vanessa Ballesteros, residente sang Brgy. 1, Laoag City, naggamit sang proof of purchase nga Orocan.
Sa Visayas, ang tagdaog sang P50,000 amo ang halin sa area sang Bombo Radyo Tacloban. Ini amo si Ronnie Gallo, 53-anyos, kag residente sang Brgy. Villahermosa, Pagsanghan, Samar.
Ang iya nga proof of purchase amo ang Efficascent Oil.
Sa Mindanao, ang tagdaog sang P50,000 amo ang halin sa area sang Bombo Radyo Gensan.
Ini amo si Edward Bayato, residente sang Polomolok, South Cotabato, kag naggamit sang proof of purchase nga Megascent Oil.
Sa National Capital Region, ang tagdaog sang P50,000 nga ginlawag sang Star FM Manila amo si Helen A. Motol sang Molave St. Payatas B., Quezon City, naggamit sang proof of purchase nga Universal Robina Corporation products.
Ginpatigayon ang Buena Mano Salvo Year 20 Promo: Balde-Baldeng Papremyo na May Cash Pa halin sang Marso 1 tubtub sang Mayo 9, 2026.
Sa kabug-usan nga dalagan sang sini nga promo, kabug-usan nga P8-million ang total prizes nationwide ang ginpanagtag sang Bombo Radyo Philippines.#
