ILOILO CITY – Gin-aprubahan na sang Iloilo City Government subong nga adlaw ang gratuity pay para sa mga job hires kag contractual workers.
Sa interview sang Bombo Radyo kay Iloilo City Councilor Ely Estante, iya ginpahahayag nga base sa administrative order no. 38 ni Presidente Rodrigo Duterte, makabaton sang indi magsobra P 3,000 kag indi magnubo sa P1,000 ang mga contractual workers depende sa kadugayon nga nagatrabaho.
Suno kay Estante, bisan ang mga may less than 2 months nga serbisyo nga job hires ukon contractual workers, ang may mabaton man.
Pahayag sang natungdan, kapin 18 million ang ginpain nga pondo sang City Government para sa mga contractual workers nga wala sang bonus pay.
Sa una nga semana naman sang Enero ipanagtag ang gratuity pay bangud man sa holidays.
