Ginsaysay sang green guard kon paano niya nakit-an ang duha ka mga lalaki nga naga-espadahay sa Garden of Love sa Nabitasan, La Paz, Iloilo City.
Ang mga lalaki amo sanday Alyas “Jun-jun” 29-anyos, isa ka gwardya kag Alyas “Totoy”, 42-anyos isa ka call center agent.
Sa interview sang Bombo Radyo kay Sean Jabano, Team Leader sang green guard Esplanade 3, iya gin-athag nga sakop na sang Esplanade 3 ang ginpwestohan sang duha ka mga kalalakihan.
Suno kay Jabano, ‘caught in the act’ gid niya mismo ang duha nga nagahimo sang sexual activity.
Ginpahayag man sini nga ang isa ang nagtuyo pa nga maglagyo, samtang ang isa ang nang-harass sang kaupdanan man nila nga green guard matapos sang sila ang nadakpan.
Una na nga ginhatagan sang warning ang duha nga indi magtambay sa dulom kon sa diin, ginpapauli pa.
Apang, matapos ang duha ka oras liwat sila nga nagbalik kag nagsulod sa lugar kon sa diin, ginbantayan sang otoridad kag natigayon nga nadakpan.
Gilayon naman sila nga nagpakig-angot ang natungdan sa La Paz Police Station agud nga mahatagan sang nagakaigo nga pagtamod ang duha ka mga indibidwal matapos ang isa ang wala nakapakita sang identification card (ID).
