Isa ka man bala sa mas nagakaganahan magkaon sang kan-on kun ang sud-an mo greenshells nga sinabawan?
Ang green-lipped mussel ukon green shells ang ginakabig nga staple food sang indigenous Māori people sang New Zealand.
Suno sa mga eksperto, napamatud-an sa pagtuon nga ang mga Māori, ang may manubo nga incidence sang arthritis kag iban pa nga balatian.
Ini bangud ang green shells nga halos adlaw-adlaw ginakaon sang Māori people, ang natukiban nga manggaranon sa lean protein, healthy fats, kag micronutrients.
Suno kay Lizzie Streit, Licensed Dietitian kag Nutritionist sa Minnesota, USA, puno man ang green shells sang anti-inflammatory omega-3 fatty acids, zinc, iron kag B-vitamins nga nagapanubo sang blood pressure, nagapa-boost sang immunity kag naga-promote sang brain kag heart health.
Bentaha man sa mga luyag magpaniwang ang pagkaon sang green shells bangud tuman ka nubo ang calorie content sini.
