ILOILO CITY – Kita nga mga Pinoy, batasan gid naton nga mag-check anay sang mga balaklon antes magdesisyon sang aton baklon.
Ini ang ginakabig nga maayo nga personality sang isa ka customer.
Apang sa Barcelona, isa ka grocery store ang nagahatag sang multa sa mga turista nga nagakadto lamang agud nga maglantaw.
Ang mga tag-iya sang Queviures Múrria ang nagbutang sang sign nga naga-anunsiyo sang masobra P300 sa mga nagakadto apang naglantaw lamang.
Ang nasambit nga grocery store ang madugay na nga naga-operate gani ginkabig nga isa sa mga manami nga kaladtuan sa Barcelona rason nga madamo sang mga turista ang nagakadto.
Ang problema lamang kay bisan ano ka damo sang nagakadto, wala gid sang may nagabakal sang mga produkto.
Apang nakahibalo ka bala nga joke lang kuntani ang pagpanukot sa mga wala nagabakal?
Natak-an na ang mga staff sa inconvenience nga natuga sang mga turista gani ginpatuman nalang ini.
Sa subong, ang mga tawo nga nagakadto ang nagabakal na sang ila mga produkto.
Madamo man sang nagpakamalaut sa grocery store apang ginpa-athag man nila ang ila nga rason.
