Wala na nakalab-ot pa sa adlaw sang iya kasal ang isa ka groom matapos ini nga gintiro matapos ang iya nga bachelor’s party sa Laoag City, Ilocos Norte.
Ang biktima amo si Andres Dacquioag, 59-anyos, nga nag-angkon sang igo sang bala sa ulo kag likod.
Base sa imbestigasyon, yara sa gwa sang isa ka convenience store ang biktima kaupod ang iya nobya sang ginluthang ini.
Gindala pa siya sa ospital apang ginbawian gid sang kabuhi.
Natalana kuntani ang ila kasal sang iya live-in partner subong nga adlaw.
Padayon pa ang imbestigasyon para matumod ang tawo nga responsable sa krimen kag kun ano ang motibo sa pagpangluthang.
