ILOILO CITY– Ikaw bala ang isa sa mga nagahandum nga magpakasal sa imo one true love? nakaplano ka na bala kun ano nga sahi sang give away ang imo mahatag sa imo mga bisita sa adlaw sang imo kasal?
Isa ka groom sa Pakistan ang may pinasahi nga surpresa nga ginhanda para sa mga nagtambong sang ila kasal, bangud sa baylo nga kinaandan nga souvenir ang ihatag, tuman ka malahalon ang iya mga give away.
Si Muhammad Arshad nga nagikan sa Multan, Pakistan, ang nagpanghatag sang cash kag mobile phones sa ginhiwat nga recepcion sang ila kasal.
Suno kay hammad, luyag niya indi malimtang sang mga tumalambong ang iya kasal, nga nangin rason nga ginhandaan kag gingastuhan niya sang todo ang nasambit nga mga souvenirs.
Tuman naman ang kalipay sang mga nagtambong bangud may yara na sila sang cash kag brand new nga mobile phone.
Nahibaluan nga kilala bilang isa ka maalwan nga tawo si Muhammad, kag iya ini ginpamatud-an sa recepcion sang iya kasal.
Sa subong, padayun nga ginadumdum sang kadam-an ang enggrande nga souvenir ni Muhammad, nga pinasahi kag indi kinaandan.
