Ginpatigayon subong nga adlaw ang groundbreaking ceremony sang Iloilo Integrated Solid Waste Management Facility sa Brgy. Ingore, La Paz, Iloilo City.
Ginpangunahan ang nasambit nga aktibidad ni Iloilo City Mayor Jerry Treñas, Mr. Jose Maria Niño Madara, President kag CEO sang Metpower Venture Partners Holdings Inc. and Iloilo Waste Recovery Venture Corp., Iloilo Provincial Governor Arthur Defensor Jr, kag DENR Secretary Maria Antonia Yulo-Loyzaga.
Ang waste to energy ang maka process sang 475 ka tonelada sang Municipal Solid Waste nga maga-separar sang organic kag non-organic waste.
Ang energy nga ma-produce halin sa basura ang ibaligya sa Private Public Partnership (PPP) partners sang syudad ilabi na sa mga nagakinahanglan sang kuryente.
Sa interview sang Bombo Radyo kay Mr. Jose Maria Niño Madara, President kag CEO sang Metpower Venture Partners Holdings Inc. and Iloilo Waste Recovery Venture Corp., iya ginpahayag nga posible magalawig sang 20 ka bulan ang konstruksyon sang pasilidad, ang target matapos sa Disyembre sa masunod nga tuig.
Suno sa iya, ginapasiguro nga ma-meet sang proyekto ang environmental standard sang Department of Environment and Natural Resources (DENR).
Sa patag naman sang impact sa kinahanglanon sang syudad, indi gid siya fully maka-cover bilang highly urbanized city, kon sa diin, 100 or thousands of megawatts ang mahimo sini mahatag nga energy.
Posible naman nga tubtob magdugay ang amo nga pasilidad, mahimo nga ma-expand kag maka-accomodate ang iban nga munisipalidad.
Suno naman kay Atty. Dave Garcia, Committee Head, Public Private Partnership ukon PPP, iya ginpahayag nga ang landfill sa Calajunan ang wala pa sang definite nga plano, bangud isa sa primary concern sang mga environmental groups amo ang palangabuhian sang mga waste picker.
Dugang ni Garcia nga nga i-absorb pa sang pagatukuron nga pasilidad ang mga napalab-ot nga concern.
Nahibaluan nga ang waste nga pagadal-on sa pasilidad ang fresh waste kag indi ang yara na nga daan sa landfill kon sa diin, wala pa sang definite plan sa amo nga sanitary landfill kag sa mga basura nga nahamtang diri.
