Nagapanawagan ang Samahang Industriya ng Agrikultura (SINAG) sa Department of Agriculture nga untatan na ang pagpaandam sa mga naga-hoard kag mga nagabaligya sang baboy sa tuman ka taas nga presyo bangud tion na nga pasakaan ang mga ini sang kaso.
Suno kay SINAG Chairman Rosendo So, pila na ka semana nga lunsay pagpaandam na lang ang ginahimo sang ahensya gani dapat lang nga sa subong, kaso na ang ihanda sang Department of Agriculture.
Nahibaluan nga may yara sang task force nga gintukod ang nasambit nga ahensya nga gin-aprubahan man ni Presidente Rodrigo Duterte agud nga lagson ang mga profiteers, hoarders kag smuggles sang agricultural products.
Mangin si Cabinet Secretary Karlo Nograles ang nagpaandam man sa mga negosyante nga nagapangbentaha sa COVID-19 pandemic kag African Swine Fever emergency sa diin mahimo sila mapasakaan sang kaso bangud sa economic sabotage.
