Nagpasaka sang reklamo ang women and labor organizations sa Commission on Human Rights batuk sa isa ka ospiyal sang Philippine Health Insurance Corp. (PhilHealth) bangud sa ginaalegar natabo nga lap dance sa sulod sang iya opisina bilang selebrasyon sang iya birthday.
Walo ka grupo ang naghingyo sa Commission on Human Rights nga imbestigahan si Philippine Health Insurance Corp. Vice President Paolo Johann Perez kag ang mga empleyado sang ahensya sa Calabarzon.
Sa report sang Senate blue ribbon committee sang Agosto natukiban nga nakabaton sang regalo si Perez gikan sa iya nga staff.
Ang regalo nga ginatumod amo ang babaye nga naka-underwear kag nagasaot sa atubang ni Perez.
Gina-alegar nga ang reklamo batuk kay Perez kag pila ka mga regional office employees ang may kaangtanan sa paglapas sa Republic Act 9710 ukon ang Magna Carta of Women.
Bilang gender and development ombud, ang Commission on Human Rights amo ang responsable sa pagpatigayon sang imbestigasyon.
