ILOILO CITY- Nag-file na sang ila Certificates of Candidacy (COC) ang grupo ni anay Guimaras Lone District Representative JC Rahman Nava nga magapapili sa pagka-gobernador sa May 2022 elections.
Sa interview sang Bombo Radyo kay Nava, iya ginpahayag nga kaupod niya nga nag-file ang iya tiayon kag reelectionist nga si incumbent Guimaras Lone District Representative Lucille Nava kag si reelectionist si incumbent Vice Governor John Edward Gando.
Yara man sa grupo sang anay kongresista amo ang iya manghod nga magapapili sa pagka- Board Member sa 1st District nga si anay Governor Felipe Hilan Nava kasunod sang ila pag-uliay matapos ang kapin isa ka dekada nga indi pag- intindihanay sa pulitika.
Magapadalagan man sa pagka – Board Member sang 1st District sang Guimaras sanday reelectionist Board Members Raymund Gavileno kag Apoy Tionado, Buenavista Vice Mayor Cecil Gumarin kag
Buenavista Sangguniang Bayan (SB) Member Buking Habaña.
Sa pagka – Board Member sang 2nd District sang Guimaras- sanday reelectionist Board Member Luben Vilchez, anay Nueva Valencia Mayor Alex Araneta, kag incumbent Nueva Valencia SB Member Lilyn Edang.
Sa municipal level:
-Sa Jordan, magapareelect si incumbent Mayor Ruben Corpuz kaupod si Board Member David Gano sa pagka-vice mayor
-Sa Sibunag, magapareelect si incumbent Mayor Anabel Vilchez Samaniego upod kay incumbent Sangguniang Bayan Member Boy Segovia sa pagka-vice mayor
-Sa San Lorenzo-magapareelect si incumbent Mayor Ninfa Gajo kag si incumbent Vice Mayor Jun Cordero.
-Sa Nueva Valencia, magapadalagan sa pagka-alkalde si incumbent Vice Mayor Paul Vincent dela Cruz upod kay anay Vice Mayor Malot Gambalan
-Sa Buenavista, magabalik bilang alkalde sang banwa si incumbent Governor Samuel Gumarin kaupod si Board Member Cyril Beltran sa pagka- Vice Mayor
Ginpahayag naman sang anay kongresista nga mangin maayo ang dalagan sang pulitika kag panghimanwa sa probinsya bangud sang ila pag-uliay kag pag-updanay liwat sang iya manghod nga si Felipe Nava.
