Gina-konsiderar sang grupo sang mga mangunguma nga mag-file sang temporary restraining order sa korte kasunod sang sang pagbuhin sang taripa sa imported rice nga gin-aprubahan ni President Ferdinand ‘Bongbong’ Marcos, Jr.
Suno kay anay agriculture secretary Leonardo Montemayor, magatipon ang farmers’ groups sa weekend agud nga i-finalize ang ila akto kasunod sang tariff cuts.
Matandaan nga sang Hunyo 3 sang gin-aprubahan sang National Economic and Development Authority (NEDA) Board sa pagpamuno ni Marcos ang bag-o nga Comprehensive Tariff Program para sa 2024-2028 nga nagalakip sang pagbuhin sang rice tariff for in- and out-quota rates halin sa 35 pa-ubos sa 15 percent.
Ginpahayag ni Socioeconomic Planning Secretary Arsenio Balisacan nga nagapati si Marcos nga ang pagpanubo sa taripa tubtub sa 2028 ang makapanubo man sa presyo sang bugas sa P29 kada kilo.
Apang indi maayo nga balita para sa tanan. “There will be strong backlash (from) farmers (and) millers across commodities like rice, corn, pork and chicken. Almost all the tariff and non-tariff protection for agriculture, especially sensitive products, were removed,” pahayag sang anay tiglikom.
Indi pa executory ang desisyon sang NEDA board suno sa iya gani nga nagalaum sila nga samtang wala pa sang pirma ni Marcos, makaapelar sila sa Department of Agriculture, NEDA, kag sa presidente kaangot sa desisyon.
Ginpahayag man sini nga indi makagarantiya sang pagnubo sa retail price ang tariff cut sa tunga sang nagasinaka man nga presyo sa international market kag pagluya sang balor sang Philippine peso batok sa dolyar. Gin-insister man sang anay opisyal nga wala nagkonsulta sa mga mangunguma ang DA kag ang Tariff Commission antes ginpanubo ang taripa.
