ILOILO CITY – Handa na ang Philbikers Mosrai Original sa pagpakigbahin sa Dugong Bombo 2019 nga patigayunon sa Iloilo Science and Technology University (ISAT-U) sa Burgos St La Paz, Iloilo City, Nobyembre 16.
Sa interview sang Bombo Radyo kay Mr. Anthony Estancia, presidente sang Philbikers Mosrai Original, iya ginpahayag nga tuigan na sila nga naga-upod sa nasambit nga bloodletting activity sang Bombo Radyo Philippines.
Suno kay Estancia, naintindihan nila ang importansya sang blood donation bangud sila nga mga nagadala sang motorsiklo ang “prone” sa mga road accidents sa diin nagakinahanglan sila sang dugo sa tion nga ipadangat sa hospital.
Dugang niya, mangin ang iban nila nga mga upod ang naka-ambit man sang dugo pinaagi sa pagpangayo sang referral sa Bombo Radyo kag ginahatag sa Philippine Red Cross.
Nagpanawagan man si Estancia sa mga kaupod nila sa Philbikers Mosrai Original nga magpartisipar sa nasambit na nga aktibidad.
