Ginkadismaya sang grupo sang “No To PUV Phaseout Coalition” ang gindugang nga piso sa pagsaka sa plete sa depampasahero nga jeep.
Sa interview sang Bombo Radyo kay Mr. Elmer Forro, lead convenor sang nasambit nga grupo, iya ginpahayag nga bangud sa mataas nga presyo sang gatong nga naglab-ot sa 110 pesos ang bili indi makaigo ang gindugang nga pagpataas sang ahaw piso sang sang Land Transportation Franchising and Regulatory Board.
Ginpahayag pa sini nga may ara sang papel ang gobyerno agud mahagan-hagan ini nga pagpataas sang presyo bangud ini nga mga gatong ang old stock na suno kay President Ferdinand Marcos Jr. kag makaigo pa ini sa katapusan pa sang Abril.
Gindugang pa ni Forro nga kun naaprubahan na ang pagkakas sang excise tax, kuntani mabatyagan man sang mga tawo ang epekto sini sa idalom apang kaangay nga daw wala man sang pagbag-o.
Samtang, may yara naman naman sang patigayunon nga nationwide PEOPLE’S STRIKE (Welga ng Bayan) sa Marso 19–20, 2026 ang mga transport groups, consumers, workers, kag tanan nga naapektuhan nga sektor bilang pagpakita sang ila pagkondenar sa indi insakto nga nagakatabo subong.
