ILOILO CITY – Nagpatigayon sang gift-giving activity ang grupo sang mga overseas Filipino worker sa Hong Kong sa Sitio Sirom, Barangay San Nicolas, Buenavista, Guimaras.
Ang mga benepisyaryo amo ang 39 ka mga myembro sang aeta community sa lugar.
Sa interview sang Bombo Radyo kay Joy Alcubilla, ini na ang ika-apat nga aktibidad sang grupo.
Ang grupo ang gintukod sang Oktubre sang nagligad nga tuig.
Ang ginbakal sang food packs ang naghalin sa ginbululigan sang myembro nga naghatag sang kwarta nga ginalakipan sang tatlo ka kilo nga bugas, tatlo ka sardinas, anum ka noodles, may kape man kag kalamay.
Sunod nga target sang grupo amo ang isa naman ka proyekto para sa mga senior citizens sa banwa sang Janiuay.
