Ginpahanugutan na ni US President Donald Trump ang General Service Administration nga hikuton ang transition sa tunga nila ni US Presumptive President Joe Biden.
Suno kay Bombo International Correspondent Arnel Gellada direkta sa Houston, Texas, isa sa mga correspondents sang Bombo Radyo Iloilo sa 50 ka mga estado kag isa ka distrito sang Columbia sa Estados Unidos, may yara na sang ginhatag nga go signal si Trump sa nasambit nga ahensya nga himuon ang ila trabaho apang wala man ini sa gihapon nag concede.
Sa pagkamatuod, padayon nga nagapakig-away si Trump bangud nagapati ini nga may dinayaay nga natabo sa eleksyon.
May mga republicans naman nga nagapanugyan kay Trump nga mag move on na lang kag batunon ang resulta sang eleksyon apang may yara naman sang mga loyalista sang presidente nga naga-upod kag nagasuporta sa mga lihok nga ginahimo sini.
Sa tion nga magpadalagan liwat si Trump sa pagka-presidente sa tuig 2024, pat-od nga kaangay nga suporta ang iya mabaton nagikan sa mga republicans.
