ILOILO CITY– Gina-engganyo sang Government Service Insurance System ang pensioners nga indi na magkadto sa opisina kun magproseo sang dokumento kag sa baylo ipaagi na lang sa online transaction.
Ini bangud nga ginakabig nga vulnerable ang senior citizen nga pensioner sang nasambit nga ahensya.
Sa interview sang Bombo Radyo kay Mike Arancillo, Spokesperson sang Government Service Insurance System 6, iya ginpahayag nga mahimo makapabulig ang pensioners agud mabisitahan ang official website sang ahensya nga GSIS.gov.ph kun sa diin mahimo nga ma download ang form.
Suno kay Arancillo, sa tion nga ma download na ang form, mahimo ini nga fill-upan kag pagkatapos, kuhaan sang laragway ang dokumento lakip na ang UMID card kag mahimo nga i-send sa GMAIL nga mpscatalan@gsis.gov.ph.
Ginpasiguro ni Arancillo nga indi ma forfeit ang pensyon bangud mahimo pa ini nga makuha tubtob sa Hunyo 30.
