Ginpahibalo sang Government Service Insurance System (GSIS) ang pagpalawig sang ila Restructuring Program for Service Loans (RPSL) tubtob Mayo 19, 2025.
Ginlunsar sang Mayo 2023, ang GSIS Restructuring Program for Service Loans (RPSL) amo ang bag-o nga programa nga nagahatag sang mga opsyon sa mga nagautang nga maluwas ang ila mga overdue nga balanse kag nagahatag sang mas flexible kag affordable nga paagi sa pagbayad sang ila mga utang.
Ang programa gin-design para sa mga anay miyembro, mga pensionado sa katandaan, mga nabalik nga miyembro, mga nag-utang nga nakagamit na sang RPSL, kag mga may overdue nga utang.
Naga-offer ini sang isa ka beses nga condonation kag restructuring option, nga nagapadali sa mga nangutang sa pag-manage sang ila mga ginhuram kag mga penalties kag surcharges.
Puwede mag-aplikar para sa programa pinaagi sa GSIS Touch, over the counter (OTC) payment sa bisan ano nga GSIS branch, M. Lhuillier, USSC, ukon pinaagi sa UnionBank o Landbank mobile o web apps.
Kinahanglan magsumiter sang kumpleto nga form upod sang photocopy sang GSIS ID, Phil ID, passport, ukon duha ka valid nga government-issued IDs.
Ang mga nag-utang nga magagamit sang programa puwede magbayad sa full ukon pinaagi sa installments.
Para sa installment payments, kinahanglan ang downpayment nga 10% tubtob 75%, samtang ang nabilin nga balanse mabayaran sa sulod sang lima ka tuig sa interest rate nga 3% tubtob 6%.
