ILOILO CITY – Isa-isahon kag busisi-on sang Government Service Insurance System ang mga private companies nga may yara sang loan nga masobra sa P2 billion nga wala sa gihapon mabayaran sa sulod na sang masobra 20 ka tuig.
Ini ang kasunod sang panawagan sang Commission on Audit sa social insurance institution nga sukton ang 21 ka mga private companies nga wala pa makabayad sang ila nga loan balor P2.114 billion sa diin ang accumulated interests sang mga ini ang naglab-ot na sa P823.153 million.
Sa interview sang Bombo Radyo kay Wick Veloso, President and General Manager sang Government Service Insurance System, iya ginpahayag nga humalin sang tuig 1970, may yara pa sang mga pribado nga kompaniya nga wala sa gihapon makabayad sang ila nga loans.
Wala na gin-identify pa sang Commission on Audit ang mga borrowers nga may unpaid loans sa diin nakit-an sa report sang government auditors nga may yara ang mga ini sang outstanding obligations nga wala pa na-settle sa sulod sang 24 tubtob 53 ka tuig.
Suno kay Veloso, ang gin-higlight sang Commission on Audit base sa report nga P2 billion worth of transaction ang lunsay corporate account kag ang iban sa mga propyedad nga amo ang nagserbe collateral ang natigayon na nga ma-forfeit sang Government Service Insurance System ukon yara na sa korte.
Paathag niya, ang P2 billion nga corporate loan ang makabig nga “secured loan” kun sa diin may ginapasalig ang borrower nga asset sini bilang collateral sa iya nga loan.
Dugang pa sang natungdan, padayon nga ginatinguhaan sang ahensya nga makolekta ang mga overdue loan obligations sa mga myembro amo man sa mga loan nga gin-grant sa mga pribado nga kompaniya.
