Naglunsar ang Government Service Insurance System (GSIS) sang bag-o nga microloan program nga ginatawag nga “Ginhawa Go” para sa mga empleyado sang gobyerno.
Ginatuyo sang programa nga mahatagan sang madasig kag masarangan nga pautang ang mga miyembro sa oras sang kinahanglanon.
Sa sini nga programa, ang mga kwalipikado nga miyembro sang GSIS ang sarang makapangutang halin ₱1,000 tubtob ₱50,000.
Ang mga short-term loan nga tubtob ₱4,000 sarang mabayaran sa sulod sang 30, 60, ukon 90 ka adlaw, samtang ang mas mataas nga kantidad halin ₱5,000 tubtob ₱50,000 ang hulugan halin tatlo (3) tubtob 24 ka bulan, nga may interes nga 6% tubtob 7% kada tuig.
Kaupod man sa programa ang insurance nga maga-cover sang nabilin nga balance sang utang kun magtaliwan ang borrower, basta updated ang iya account.
Suno kay Frederick D. Go, makabulig ini nga programa agud malikawan sang mga empleyado sang gobyerno ang pagpalapit sa mga nagapautang nga may mataas nga interes.
Ang aplikasyon ginahimo lamang paagi sa GSIS Touch app kag automatic nga ginakaltas sa sweldo ang bayad sa utang
 sang bag-o nga microloan program nga ginatawag nga “Ginhawa Go” para sa mga empleyado sang gobyerno.){kind=link}