Nagpain ang Government Service Insurance System (GSIS) sang 15.1 bilyon pesos nga emergency loan agud mabuligan ang masobra 600,000 nga miyembro kag pensioners nga naapektuhan sang 7.8 magnitude nga linog nga nag-igo sa Mindanao.
Pwede nga maka-avail ang mga kwalipikado nga miyembro kag pensionado sang GSIS nga naga-istar ukon nagatrabaho sa mga lugar nga sa idalom sang state of calamity sang 20, 000 pesos nga emergency loan kag may ara sang 6% nga interes kada tuig.
Suno pa sa ahensya handa ang mga ini nga magahatag gilayon sang bulig pinansyal agud mabuligan ang mga apekatado nga miyembro nga makabangon liwat.
Nahibaluan nga bangud sa linog nga natabo naglab-ot na sa 53 ang napatay kag nakapaguwa naman sang tsunami warning ang pila ka lugar sa Mindanao matapos ang natabo nga linog.
