Nagpain ang Government Service Insurance System (GSIS) sang P69.1 milyon nga pundo para sa posible nga mga insurance claim sang mga danyos sa mga propridad sang gobyerno sa Mindanao nga naapektuhan sang 7.8 magnitude nga linog sa una nga bahin sa sini nga bulan.
Suno sa GSIS, ang inisyal nga pondo gintalana para sa pagbayad sang lehitimo nga insurance claim nga nagalakip sang mga building, pasilidad, kagamitan, kag iban pa nga public assets nga ginapanag-iya sang mga ahensya sang gobyerno kag mga Local Government Units.
Nagpahayag ang ahensya nga base sa inisyal nga mga report, 4,403 ka insurance policy nga may kabug-osan nga insured value nga P23.59 bilyon ang posible nga naapektuhan.
Ang General Santos City amo ang may pinakadamo nga pasilidad ang naapektuhan.
Suno kay GSIS President kag General Manager Jose Arnulfo ‘Wick’ Veloso, iya ginpahayag nga ang insurance indi dapat paglantawon nga isa lamang ka kinahanglanon para sa pagsunod sa mga regulasyon.
Pahayag pa ni Veloso, isa ini ka instrument para sa risk management nga nagabulig sa mga ahensya nga mapanumbalik ang mga naguba nga pasilidad kag makapadayon gilayon sa pag-serbisyo sa publiko.
