GSIS, pahanugutan nga maka-loan ang mga government employees sang kapin P500,000 agud maka-install sang solar panels sa ila puluy-an

Pahanugutan sang Government Service Insurance System (GSIS) ang mga government employees nga mag-loan sang hasta ₱500,000 agud mag-install sang solar panels sa ila tagsa ka puluy-an sa bulig sang “Ginhawa Solar Energy Loan program.”

Ang nasambit nga loan ang may yara sang 5% nga yearly interest kag sarang mabayaran hasta lima (5) ka tuig sa equal monthly payments.

Ang pag-install sang solar panel systems ang may yara man sang free insurance hasta sa tatlo (3) ka tuig batok sa mga trahedya ukon kalamidad pareho sang sunog, linog, kilat kag bagyo.

Kun ang mga panels ang maga-produce sang mas madamo nga elektrisidad nga maga-sobra sa kinahanglanon sang isa ka panimalay, sarang gid mabaligya sang natungdan ang ila extra power pabalik sa electric grid paagi sa net metering, isa ka paagi agud mabuhinan ang electricity bills.

Ang amo nga programa ang may tinutuyo nga mabuligan ang mga government workers nga makakinot sa ila energy costs kag maka-promote sang paggamit sang mas matinlo nga enerhiya, ilabi na sa karun nga nagapangatubang sa krisis sa gatong ang Pilipinas, amo man ang nagataas nga presyo sang kuryente dala sang kinagamo sa Middle East.