ILOILO CITY – Naglab-ot sa 300 ka mga kaing ang ginpahamtang sa palibot sang syudad sang Iloilo agud habuyan sang basura kadungan sang Dinagyang Festival 2020.
Sa interview sang Bombo Radyo kay Engr. Neil Ravena, pinuno sang General Services Office – Solid Waste Management, iya ginpahayag nga sa Iloilo Freedom Grandstand, may 20 ka kaing nga ipahamtang agud nga may yara sang pagahabuyan sang basura ang mga tumalan-aw.
Suno kay Engr. Ravena, may 4 ka truck nga pagagamiton agud nga maghakot sang basura kun sa diin 100 ka personnel ang nakatuon sa pagpangtipon sang mga basura nga nahaboy sa mga kaing.
Ginpahayag ni Engr. Ravena nga magluwas sa mga basurahan, may yara man sang ginpahamtang nga 50 ka portalets nga libre nga magamit sang mga tunalan-aw kag sa Iloilo Freedom Grandstand, may 12 ka portalets nga ipahamtang.
