ILOILO CITY – Ginbalik sang General Services Office kag sang Iloilo City Environment and Natural Resources Office sa management sang merkado ang pagsolbar sang ginpa-Bombo nga mabaho nga material recovery facility sa Iloilo Central Market.
Sa interview sang Bombo Radyo kay Engr. Neil Ravena, pinuno sang General Services Office- Solid Waste Management Division kag department head sang Iloilo City Environment and Natural Resources Office, iya ginpahayag nga ang nagabaho nga basura ang nagikan sa wet market kaangay sang hasang sang isda.
Suno kay Ravena, dapat nga separado ang paghaboy sang wet market waste sa solid waste.
Nagpanugyan ini sa Iloilo City Local Economic Enterprise Office nga dapat nga limpyuhan sa gilayon ang facility pagkatapos nga makuha ang higko agud nga indi magtinir ang baho sa lugar.
