Na-obserbahan sang Iloilo City General Services Office (GSO) kaupod Iloilo City Environment and Natural Resources Office (CENRO) nga may tubig pa ang Metro Pacific Iloilo Water (MPIW) kun ikumpara sang nagligad nga tuig.
Sa interview sang Bombo Radyo kay Engineer Niel Ravena, Head sang General Services Office, iya ginpahayag nga nagsugod sila monitor sang supply sang tubig sugod man sang nagtaas ang heat index.
Suno kay Ravena, ginatutokan sang talatapan ang pagbantay sang supply sang tubig ilabi na ang mga barangay sa syudad nga masami nagakaubsan kon tig-ilinit.
Ginpahayag man sini nga isa sa problema nga ginahikot sang talatapan amo ang mga bubon nga wala na sang sulod nga masami man ginagamit sa pagpamunyag sa mga tanom.
Nagpasalig man ini nga may team sila nga nagapatigayon sang monitoring sa kada duha ka semana kaangot sa quantity sang mga bubon kag nagaguwa nga sa subong, indi pa ini alarming.
