Maga-deploy ang Iloilo City General Services Office (GSO) sang information education campaign team kag enforcement team para sa nagahilapit nga Dinagyang Festival 2025.
Sa interview sang Bombo Radyo kay Eng. Niel Ravena, pinuno sang amo nga talatapan, iya ginpahayag nga ini agud nga ma-edukar ang mga turista kag publiko sang insakto nga paghaboy sang basura.
Suno kay Ravena, may yara sang walo ka information education campaign team ang ila talatapan agud nga ikampanya ang responsible garbage disposal.
Ginpahayag man sini nga padayon ang pagkoordinar sang GSO sa mga organisasyon nga nagadumala sang mga food kiosk agud nga mapatuman sang matalunsay ang amo nga tikang.
Nagpasalig man ang natungdan nga aktibo nga ipatuman sang enforcement team sang GSO ang mga pagsulundan agud nga indi mabuta sang higko kag basura ang syudad sang Iloilo.
