Nakit-an sang General Services Office (GSO) nga hagan-hagan na nga nagbuhin ang paglapta sang mga basura sa Sunset Boulevard sa Iloilo Circumferential Road.
Sa interview sang Bombo Radyo kay Engineer Niel Ravena, head sang General Services Office, iya ginpahayag nga nag-deploy na ang talatapan sang 19 ka mga waste bin kag anom ka mga portalets sa nagkalain-lain nga area sang lugar.
Suno kay Ravena, ang basurahan ang nakaplastar every 200 meters sang Sunset Boulevard.
Nagpreparar man ang GSO sang dugang nga mga 10 ka concrete bins nga makaamodar sang mas madamo nga basura.
Ang concrete bins ang human sa daan nga flowerpots nga naghalin sa Calle Real.
Mas ginpili man sang talatapan ang amo nga basurahan bangud mas budlay ini matumba kag makawat.
