Iga-deploy sang Iloilo City General Services Office ang 322 ka personnel agud magmintinar sang katinlo sang palibot sa paalabuton nga Dinagyang Festival 2027.
Sa interview sang Bombo Radyo kay Engr. Neil Ravena, head sang GSO, iya ginpahayag nga tuman gid ang ila preparasyon ilabi na nga isa ang basura sa mga problema sa tion sang kapistahan.
Suno sa iya, may ara sila sang ginpatigayon nga consultative meeting kaupod ang Iloilo Festivals Foundation Inc. (IFFI) may kaangtanan sa pagbalik sang major events sang Dinagyang sa Calle Real.
Didto man kag ginsturyahan ang pagsagud sang GSO sa pagpanglimpyo sang mga parade routes kag judging areas sa bulig sang street sweepers.
Madumduman nga sang Dinagyang Festival 2026, yara sa masobra 180 tons nga basura ang nakolekta sang opisina kasunod sang nasambit nga aktibad.
