Nagpasalig ang Iloilo City General Services Office (GSO) nga wala sila gauntat pagpakig-angot sa pila ka mga ahensya sang syudad agud nga mapanubo ang kaso sang dengue sa Iloilo City.
Sa interview sang Bombo Radyo kay Engineer Niel Ravena, pinuno sang General Services Office, iya ginpahayag nga lakip sa nagapartisipar sa city wide clean up drive sang talatapan amo ang City Agriculture Office kag Iloilo City Health Office (CHO).
Ginsaysay man sini nga nagbutang man sila sang mga personnel sang City Environment and Natural Resources (CENRO) sa may madamo nga kaso sang dengue kaangay na lamang sang Calumpang, Molo, Iloilo City.
Gin-athag man sang natungdan nga nagpatuman man sila sang misting kag larvicide sa Sooc, Arevalo, ilabi na sa mga may stagnant water nga kanal bangud ini ang ginahimo nga breeding ground sang lamok.
Padayon man ang monitoring sang talatapan sa top 2 ka mga barangay sa tagsa ka Distrito sang Iloilo City agud matutokan.
