ILOILO CITY — Nagpasigurado ang Iloilo City General Services Office (GSO) nga madayon ang pagpanagtag sang potable water sa Mayo 15, 2024 para sa mga residente sang Iloilo City nga naapektohan sang kakulangan sang tubig.
Sa interview sang Bombo Radyo kay Eng. Niel Ravena, pinuno sang amo nga talatapan, iya ginpahayag nga magahalin ang tubig sa major distributors nga Metro Pacific Iloilo Water (MPIW) kag South Balibago Water Works.
Suno kay Ravena, 70% sa ipanagtag nga potable water ang magahalin sa South Balibago Water Works samtang ang 30% naman ang magahalin sa Metro Pacific Iloilo Water.
Gamiton naman ang kaugalingon nga water tanker sang mga nasambit nga distributors sa pagpanagtag.
Ginpahayag man ni Ravena nga posible magalab-ot sang 696 cubic meters ang total volume sang potable water nga ipanghatag.
Nahibaluan nga nabakal sang Iloilo City Government ang tubig sa balor nga nga 20 centavos per liter ukon
P200 per cubic meter.
Nagpasalig naman ang talatapan nga nag-agi sa strikto nga post qualification ang tubig agud masigurado nga limyo ini.
