𝗜𝗟𝗢𝗜𝗟𝗢 𝗖𝗜𝗧𝗬 —Nagpatigayon sang massive cleanup drive ang Iloilo City General Services Office (GSO) sa top 2 ka mga kabarangayan sa tagsa ka distrito sang syudad nga may pinakamataas nga kaso sang dengue.
Sa interview sang Bombo Radyo kay Engineer Niel Ravena, head sang General Services Office, iya ginpahayag nga ginkuha sang talatapan ang data halin sa City Health Office agud nga matumod ang mga lugar nga nagakinahanglan sang gilayon nga pagpanglimpyo.
Suno kay Ravena, nag-assign ang GSO sang mga street sweepers sa mga na-identify nga barangay nga may mataas nga kaso sang dengue agud nga malimpyohan kag mapapas ang mga breeding ground sang mga lamok, kaangay na lamang sang tubig sa kanal.
Ginpahayag man sini nga nag-augment man ang talatapan sang mga personnel sang Community Environment and Natural Resources Office (CENRO) ilabi na sa Barangay Calumpang, Molo bangud ini ang may pinakamataas nga dengue cases nga na-record.
May yaran naman sang apat ka mga truck ang ginpalibot sa syudad agud nga magkolekta sang basura nga matipon sa clean up drive.
Naglab-ot naman sa walo tubtob pulo ka tonelada sang basura ang nakuha sang talapan sa bug-os nga syudad sa subong lamang nga adlaw.
