Nakabaton ang talatapan sang General Services Office (GSO) sang impormasyon nga wala gasiga ang pila ka suga sa Esplanade 1 kag 4 bangud sa kawat ang wire
Sa interview sang Bombo Radyo kay Engr. Neil Ravena, Head sang GSO, iya ginpahayag nga may ginkawat nga wire sa power source sa likod sang comfort room, isa ka circuit kag panel board.
Suno kay Ravena, gin-refer naman ini sa City Electrical Engineering District agud ma-restore ang power source kag mapasiga ang mga naapektuhan nga suga sa nasambit nga lugar.
Dugang pa niya, indi lang ini ang una nga beses natabo ang pagpangawat sa amo nga lugar.
Sa subong, wala pa sang persons of interest kun sin-o ang may kahimuan sang pagpangawat, apang gin-refer naman ini kay Ret. Police Colonel Uldarico Garbanzos.
