ILOILO CITY – Gin-agda sang Guardians Royal Brotherhood Zebra Molo Chapter ang mga kaupdanan nila sa nagkalain-lain nga lugar sa Iloilo agud nga magdonar sang dugo sa Dugong Bombo 2019 sa Nobyembre 16, 2019 sa Iloilo Science and Technology University sa Burgos St. Lapaz, Iloilo City.
Sa interview sang Bombo Radyo kay Rhomar Martirez, Presidente sang Guardians Royal Brotherhood Zebra Molo Chapter, iya ginpahayag nga
tuigan na nga ginahimo sang nasambit nga grupo ang pagpakigbahin sa Dugong Bombo nga isa sa mga civic projects sang Bombo Radyo Philippines.
Suno kay Martirez, sang tinalikdan nga Dugong Bombo, magluwas sa pagdala sang iya grupo nga magdonar sang Dugo, kaupod man niya ang bug-os nga pamilya.
Pahayag pa niya, ginkadtoan man sang ila grupo ang iban nga chapter sa probinsya sang Iloilo kaangay sang Anilao kag Carles kag nagpabor man ang mga ini sa pagdonar sang dugo.
Gani laoman dugang pa niya nga magadagsa ang Guardians Royal Brotherhood Zebra Molo, Anilao kag Carles Chapter sa Nobyembre 16.
