ILOILO CITY – Ginahitso na ang specific guidelines may kaangtanan sa pagpatuman sang Weekend block-off sa syudad sang Iloilo.
Ini matapos nga napirmahan na ni Iloilo City Mayor Jerry Treñas ang Executive Order 65 nga nagamandu sang pagpatuman sang Weekend block-off santo sa rekomendasyon sang Inter-Agency Task Force on COVID-19.
Sa interview sang Bombo Radyo kay Jeck Conlu, pinuno sang Public Safety and Transportation Management Office, iya ginpahayag nga sa tagsa ka Sabado kag Dominggo, sirado ang tanan nga commercial establishments kasubong sang grocery stores, supermarkets, sari-sari stores, talipapa lakip na ang small scale convinience stores.
Suno kay Conlu, istriktuhan man ang land kag border border restrictions agud nga masigurado nga wala sang may makalusot sa syudad sang Iloilo.
Magluwas diri, dumili-an man ang pagbyahe sang bus kun sa diin ang mga nagatrabaho sa hospital, medical clinic, pharmacy, drug store, funeral parlor kag ang mga kompaniya nga may yara sang 24-hour operation ang pahanugutan nga makaguwa sa tion sang weekend.
Ang weekned block-off ukon Expanded Ehanced Community Quarantine ang ipatuman sa Abril 18-19 kag April 25-26.
