GUIMARAS – Ginakabig nga Integrated Lenten Festival na ang probinsya sang Guimaras.
Sa interview sang Bombo Radyo kay Liezel Galan, Public Relations Officer sang Guimaras, iya ginpahayag nga ang pagtaltal sa nasambit nga probinsya ang indi lang naka sentro sa balaan bukid bangud sa subong ila na ini nga ginhimuan sang istorya.
Magluwas sa Jordan, may yara sang presentasyon sang istorya sang pagkapatay ni Jesus sa Buenavista kag San Lorenzo.
Katuyuan sang nasambit nga aktibidad amo agud nga mangin lenten capital sang Western Visayas ang Guimaras.
Samtang, P25 per way ang mangin plete sa pumpboat halin sa Ortiz Wharf padulong sa Balaan bukid kag magapabilin sa P15 ang plete halin Ortiz Wharf padulong sa Jordan Warf.
Sa Abril 18, ang flaglets nga duag asul nga makit-an sa tagsa ka pumpboat ang patimaan nga ini ang magapadulong sa Balaan bukid samtang berde naman kun padulong sa Jordan.
Apang sa Abril 19, magabayluhanay naman ini sa diin duag berde ang patimaan nga magapadulong sa Balaan bukid ang pumpboat kag asul naman ang padulong sa Jordan.
