May ginasundan na ang Guimaras Police Provincial Office (GPPO) nga anggulo kon taga-diin ang mga illegal fishers nga ginlagas sang pulis kag nahulog sa Guiwanon, Nueva Valencia, Guimaras.
Ang biktima sa amo nga insidente amo si Police Staff Sergeant Mechael Gatinao, 42-anyos, kag residente sang Sitio Sirum, Brgy. San Nicolas, Buenavista Guimaras.
Sa interview sang Bombo Radyo kay Police Colonel Rhea Santos, Provincial Director sang Guimaras Police Provincial Office, iya ginpahayag nga may yara na sang general information ang talatapan kon paano ginhuman ang sakayan sang mga iligal nga manogpangisda.
Suno kay Santos, indi pa man gid klaro apang padayon nga ginpadalman ang lead nga nakuha sang otoridad.
Nagpakig-angot naman sila sa mga legal officers agud nga matumod ang iban pa nga liabilities aside sa illegal fishing nga nahimo sang mga illegal fishers.
Una na nga nagpahayag ang GPPO nga mahimo sang kaugalingon ukon separar nga imbestigasyon sa Nueva Valencia Municipal Police Station agud nga indi maimpluwensyahan sang biases ang insidente.
