GUIMARAS – Duha sa 3 ka Persons Under Investigation sa Guimaras ang nag negatibo na sa Coronavirus Disease 2019 (COVID-19).
Sa Good Morning Philippines program, ginpahayag ni Gov. Samuel Gumarin nga 1 na lang sa tatlo ka Persons Under Investigation ang nagapabilin sa hospital samtang 520 naman ang Persons Under Monitoring sa bug-os nga probinsya.
Suno kay Gumarin, gina-istrktuhan na ang pagsulod kag ang pagguwa sa probinsya sang Guimaras kun sa diin humalin sang nakaligad nga semana, ginpauntat na ang pagpasulod sang mga dumuluong.
Ginpahayag man ni Gumarin nga lakip lamang sa exempted sa travel kag border restrictions amo ang mga may trabaho, delivery sang goods kag ang mga may yara ang Health Declaration Card nga may yara sang importante nga transaksyon.
Magluwas diri, hugot man nga ginapatuman suno sa gobernador ang curfew kun gab-i kag ang mga nakitaan sang sintomas sang COVID-19 ang pagakabigon nga Persons Under Monitoring kag pagadal-on sa isa ka isolation facility.
Gin-athag sang natungdan nga separado ang isolation room sang mga Persons Under Monitoring nga wala sang travel history kun ipaanggid sa mga may yara sang travel history agud nga indi madali nga maglaton ang balati-an.
Isa man sa ginapasigurado ni Gumarin amo nga bastante ang supply sang Personal Protective Equipment sang medical personnel nga amo ang nagaatipan sa mga pasyente.
