ππ¨ππ ππ₯ππ¦ βNagalaum si Guimaras Vice Governor Atty. John Edward Gando nga indi palupad kag tinikal ang tinutuyo ni Former Guimaras Vice Governor Atty. Vicente De Asis nga mag-file sang complaint sa Energy Regulating Commission (ERC).
Ini bangud man sa mahal nga kilowatts per hour (KWH) sang Guimaras Electric Cooperative (GUIMELCO).
Sa interview sang Bombo Radyo kay Vice Governor Gando, iya ginpahayag nga ginarespeto niya ang tikang ni De Asis bangud may tagsa ka kinamatarong ang isa ka tawo ilabi na kon nalapas ini.
Suno kay Gando, bilang isa ka abogado, dapat may ebidensya ang isa ka panumbungon bangud mahapos lamang ang magbuya sang mga tinaga.
Ginpahayag man sini nga ang mga reklamo batok GUIMELCO ang yara na sa Energy Regulating Commission kon sa diin, pending kag handa na para sa re-investigation.
Gin-ako man sang natungdan nga bisan ang GUIMELCO ang nagreklamo sang mataas nga charges nga gin-impose sa ila sang National Grid Corporation of the Philippines (NGCP).
Nagpalab-ot man si Gando sa GUIMELCO nga untaton anay ang pagpanukot sang mataas nga patong sa billing sa kuryente samtang ginaresolba kag ginaimbestigaran ang reklamo.
