ILOILO CITY–Ginpanginwala ni Guimaras Vice Governor Eduard Gando nga iya gingamit sang 2016 elections ang 224 million nga supplemental budget sang probinsya.
Sa interview sang Bombo Radyo kay Gando, ginpahayag sini nga ginpangayu-an nila sang exemption sa Commission on Elections COMELEC) ang nasambit nga kantidad agud nga mapanghatag sa lima ka banwa sang probinsya nga ginalakipan sang banwa sang Buenavista, Jordan, Nueva Valencia, San Lorenzo kag Sibunag.
Sunu sa opisyal nga wala sang basehan ang plunder complaint nga ginpasaka sa ila sang isa ka ginhingadlan kay Rodrigo Gabales bangud ang nasambit nga kantidad ang wala man ginpanghatag sa mga pumuluyo.
Wala man naglab-ot sa P50 million ang ginpanghatag sa tagsa ka banwa kag may yara sang nagakaigo nga doukomento nga gina-uyatan si Gando kun sa diin nagkadto ang nasambit nga kantidad.
Wala naman ginkakibot sang bise gobernandor ang pagtuhaw sang nasambit nga isyu bangud nagahilapit na ang eleksyon.
Luyag lamang niya nga sabton ang sala nga akusasyon sunu kay Gando agud nga matapna ang ginakabig sini nga isa ka kabutigan.