ILOILO CITY- Ginkumpirma sang Guimaras Provincial Government nga isa ka pumuluyo sang Guimaras ang may close contact sa isa sa mga doktor sang St. Paul’s Hospital Iloilo nga nagpositibo sa covid-19.
Sa interview sang Bombo Radyo kay Guimaras Vice Governor Atty. John Edward Gando, iya ginpahayag nga staff sang isa sa mga doktor an nasambit nga Guimarasnon.
Suno kay Gando, ginalauman nga dal-on man gilayon sa quarantine facility kag ipaidalom man sa reverse transcription polymerase chain reaction test ang nasambit nga staff.
Boluntaryo naman nga nagpadailom sa 14-day home quarantine si Guimaras Vice Governor Atty. John Edward Gando matapos nga nakapadulong ini sa St. Paul’s Hospital Iloilo sang damlag lang antes ginpaidalom ini sa lockdown bangud sa pagpositibo sa Coronavirus disease-19 sang walo ka mga doktor.
Suno kay Gando, ini bilang pagtuman sa mando sang Department of Health Region 6 nga magpaidalom sa home quarantine ang sin-o man nga nakasulod sa ospital humalin Hunyo 23 tubtob 28 sa diin Hunyo 26 ini nagpadulong sa nasambit nga ospital para kuntani magpalaboratoryo.
Nagpasalig naman si Gando nga hingalitan niya ang work from home set-up agud mapadasig ang pagpasar sang iya ginduso nga New Normal Ordinance sa Probinsiya sang Guimaras.
Samtang, ang mga doktor naman nga taga-Guimaras kag naga-duty sa St. Paul’s Hospital Iloilo ang ginpaidalom naman sa home quarantine.
