ILOILO CITY–Ginpamatud-an sang 90 anyos nga Lolo nga wala sang may ginapili ang edukasyon.
Si Lolo Jose Gandicela sang Brgy. Dolores, Nueva Valencia, Guimaras ang pinakatigulang nga passer sang Alternative Learning System (ALS) sa bug-os nga Pilipinas.
Sa exclusive interview sang Bombo Radyo kay Lolo Jose, iya ginpahayag nga ang edkasyon ang bukas para sa tanan.
Sa edad nga 90 anyos, wala nagsulod sa iya kaisipan nga indi na lang padayunon ang iya handum sa kabuhi.
Ginpahayag dugang ni Lolo Jose nga mapalaron siya bangud sa kahigayunan nga ginhatag sa iya agud nga makatapos sa High School paagi sa ALS.
Sang una suno kay Lolo Jose, ginhuna-huna pa niya nga wala siya nakapasar sa ALS program bangud nga madugay pa ang pagpaguwa sang resulta.
Sa sulod sang pila ka bulan nga pag-eskwela, ginpahayag ni Lolo Jose nga siya ang pinakatugulang sa ila klase sa diin ang iya mga classmate ang mga pamatan-on pa lang.
Sa pihak sang iya katigulangon, masami nga mataas ang score ni Lolo Jose sa ila test.
Ini bangud nga nangin gawi na niya humalin sang una ang pagbasa sang libro kag pahayagan rason nga wala na siya manibag-o pa sa iya mga tulun-an.
Tuman naman ang kalipay niya sang nahibalu-an nga isa siya sa mga nakapasar kag gindeklarar pa nga pinakatugulang nga ALS passer sa pungsod.
Panugyan ni Lolo Jose sa mga pamatan-on, magtuon sang maayo bangud nga ang kaalam ang manggad nga indi maagaw sang bisan sin-o.
Indi na paghulaton pa nga magtigulang kasubong niya bag-o nakatapos sa pagtuon.
Bugalon si Lolo Jose bangud nga may yara man siya sang ipabugal nga diploma.
Sa exclusive interview sang Bombo Radyo kay Lolo Jose, iya ginpahayag nga ang edkasyon ang bukas para sa tanan.
Sa edad nga 90 anyos, wala nagsulod sa iya kaisipan nga indi na lang padayunon ang iya handum sa kabuhi.
Ginpahayag dugang ni Lolo Jose nga mapalaron siya bangud sa kahigayunan nga ginhatag sa iya agud nga makatapos sa High School paagi sa ALS.
Sang una suno kay Lolo Jose, ginhuna-huna pa niya nga wala siya nakapasar sa ALS program bangud nga madugay pa ang pagpaguwa sang resulta.
Sa sulod sang pila ka bulan nga pag-eskwela, ginpahayag ni Lolo Jose nga siya ang pinakatugulang sa ila klase sa diin ang iya mga classmate ang mga pamatan-on pa lang.
Sa pihak sang iya katigulangon, masami nga mataas ang score ni Lolo Jose sa ila test.
Ini bangud nga nangin gawi na niya humalin sang una ang pagbasa sang libro kag pahayagan rason nga wala na siya manibag-o pa sa iya mga tulun-an.
Tuman naman ang kalipay niya sang nahibalu-an nga isa siya sa mga nakapasar kag gindeklarar pa nga pinakatugulang nga ALS passer sa pungsod.
Panugyan ni Lolo Jose sa mga pamatan-on, magtuon sang maayo bangud nga ang kaalam ang manggad nga indi maagaw sang bisan sin-o.
Indi na paghulaton pa nga magtigulang kasubong niya bag-o nakatapos sa pagtuon.
Bugalon si Lolo Jose bangud nga may yara man siya sang ipabugal nga diploma.
