ILOILO — Bukas sa posibilidad si Guimbal Mayor Jennifer Garin-Colada nga mangin vice governor ni Iloilo Governor Arthur Defensor sa palaabuton nga 2025 elections.
Sa interview sang Bombo Radyo kay Garin-Colada, iya ginpahayag nga madamo pa sang mga posibilidad nga pwede matabo nga nakadependi sa dalagan sang panahon.
Suno kay Colada, bukas siya sa mga posibilidad apang nakadependi sa gihapon ang desisyon sa iya nga pamilya bangud siya nagapati nga makabulig sa pagserbisyo ang paghangpanay sang isa ka pamilya sa pulitika.
Ginpahayag man sang alkalde nga kinahanglan niya anay nga mag-obserba sa pagpanghimanwa bangud sa subong indi pa ini sigurado.
Una na nga ginpahayag ni Gov. Defensor nga wala pa sang may nagpadulong sa iya agud magsapol nga mangin vice governor sini.
