Isa ka Filipino ang naka-set sang panibag-o nga world record sa jumping rope.
Siya amo Ryan ‘Skipman’ Alonzo, 34, tumandok sang Manila kag nakarekord sang 40,980 double-under skips sa sulod lang sang 12 ka oras.
Sa double-under, kinahanglan maka-duha ka beses ang paglabay sang rope sa kada lukso.
Ang rekord ni Alonzo ang naglumapaw sa 20,000-mark sang Guinness World Records.
Sa exclusive interview sang Bombo Radyo kay Alonzo, iya ginpahayag nga high school siya sang nadiskubrehan niya ang pagkahilig sa jumping rope.
”Actually ‘nung bata ako, medyo overweight nga ako eh. Mga highschool ako ‘nung nagsimula ako mag jump rope. I just aim to keep myself healthy and nandito na tayon ngayon.”
Sang nakit-an niya ang manami nga resulta sa iya ikaayong lawas, ginpadayon niya ang jump rope tubtob nga nangin addiction na ang pila ka oras nga paglukso.
”Super addicting ‘yung jump rope na kailangan ko sabihin sa sarili ko na today, i should only spend 2 hours and stop na. Halos everyday ako nagja-jump rope since last year.”
Bag-o nahimo ang iya nga rekord, pila man ka training ang gin-agyan ni Alonzo kag halos apat ka bulan ang iya nga nangin preparasyon.
Sa iya world record attempt, ginpahayag niya nga pito lang ka minutos kada oras ang iya pahuway kag tinapay ukon saging lang ang iya ginakaon agud nga indi madula ang iya enerhiya.
Bangud halos tunga sa adlaw ang iya paglukso, nagsuprer si Alonzo sang muscle cramps apang bangud man sa iya mga pinalangga sa kabuhi nga naga-cheer sa iya, mas nadugangan ang iya determinasyon kag kabakod nga magpadayon.
”6 hours pa lang nagpulikat na ‘yung legs ko, very discouraging siya. Mga three or four hours left na lang, wala nakong lakas ‘non. Pero lahat sila nagsasayaw, parang nagpa-party nilagay ko lang ‘yung atensyon ko on them. Kung hindi sa kanila, baka hindi mataas yung numbers natin.”
Kaupod ang iya nga team, ginaproseso nanday Alonzo ang pagpasa sang mga ebidensya sa Guinness World Records agud mangin opisyal ang panibag-o nga feat.
Sa iya kadalag-an, ginpahayag sang Pinoy jump rope legend nga wala sang imposible kun ginahimo sang isa ka indibidwal ang iya nga ”best.”
”I want to set an example na we have to just try our best palagi and see how far we can reach. Hindi lang sabi na you have to beat this number. For me, you aim to be the best you can be in everything.”
