ILOILO CITY – Ginpatigayon ang Gulayan sa Barangay Project sa barangay Magsaysay Village, LaPaz, Iloilo City.
Sa interview sang Bombo Radyo kay Punong barangay Gina Barrientos, iya ginpahayag nga ang Gulayan sa Barangay project ang nagatuyo nga mabuligan ang ila pumuluyo nga makabarato kag makabakal sang preska kag organic nga mga isda kag ulutanon.
Suno kay Barrientos, ang ila nga mga utan ang ila man gintanom kag ang ila makuha nga ginansya ang gamiton nila sa pagtukod sang feeding program para sa mga kabataan.
Pahayag pa sang natungdan, makabulig man ang ila nasambit nga proyekto sa paglikaw sang dinugok sang pumuluyo pakadto sa tiyenda agud malikawan ang inpeksyon sa COVID-19.
