ILOILO CITY-Nagsaka pa sa 172 ang mga violators sang COMELEC gun ban sa Western Visayas samtang nagahilapit ang eleksyon.
Sa interview sang Bombo Radyo kay PLt Col Arnel Solis, spokesperson sang Police Regional Office 6, iya ginpahayag nga as of April 21, ang may pinakamataas nga numero sang violators amo ang Negros Occidental nga yara sa 60; ginasundan sang Iloilo Province nga may 29; Aklan nga may 25;Iloilo City nga may 18; Bacolod City nga may 13; Antique nga may 11; Capiz nga may 10; kag Guimaras nga may 6.
Ang pinakaulihi nga violators ang nadakpan sa Calinog, Iloilo sa diin ang mga arestado amo sanday Danny Lopez, 41 anyos sang Brgy. Datagan, Calinog kag si Nixon Loder,35 anyos sang Brgy. Paho, Lambunao, Iloilo.
Ang duha ginpahayag kabahin sang convoy sang nagapadalagan sa pagka-alkalde sa banwa nga si Dr. Rene Hurtada.
Natukiban nga si Lopez ang may daan na nga kaso kaangot man sa iligal nga paghupot sang armas-luthang.
