Nagsaka pa sa 71 ang arestado nga gun ban violators sa Western Visayas.
Sa interview sang Bombo Radyo kay PLt. Colonel Arnel Solis, spokesperson sang Police Regional Office 6, iya ginpahayag nga 70 ka mga firearms kag apat ka mga gun replica ang nakumpiskar.
Suno kay Solis, mga sibilyan ang kalabanan sa naaresto nga mga violators apang may yara man sang mga government employees.
Pahayag ni Solis, napasakaan na man sang kaso nga paglapas sa firearms law kag COMELEC gun ban ang mga arestado.
Nagpahanumdom naman si Solis nga kutob pa sa Hunyo 11 ang ginapatuman nga gun ban.
