ILOILO CITY – Naglab-ot na sa 102 ka mga indibidwal ang nadakpan sa Western Visayas bangud sa pagbayolar sang election gun ban.
Sa nasambit nga data, 11 ang nagikan sa probinsya sang Aklan; tatlo sa Antique; duha sa Guimaras; 18 sa probinsya sang Iloilo; 42 sa Negros Occidental; 11 sa Iloilo City; kag siyam sa Bacolod City.
Sa interview sang Bombo Radyo kay PLt. Col. Arnel Solis, spokesperson sang Police Regional Office (PRO)- VI, iya ginpahayag nga indi tanan sa mga violators ang nadakpan sa ginapatigayon nga Comelec checkpoint kundi sa pagresponde sang kapulisan sa mga kinagamo.
Padayon naman ang ginapatigayon nga Comelec checkpoint sang kapulisan.
Samtang, bukas naman ang PNP sa request sang mga kandidato sang security kun magpadulong sa mga delikado nga lugar agud nga magkampanya apang kinahanglan pa sa gihapon ang approval sang Commission on Elections.
