ILOILO CITY – Arestado ang isa ka gun-for-hire nga myembro sang Revolutionary Proletarian Army-Alex Boncayao Brigade ukon RPA-ABB matapos ginserbehan sang warrants of arrest bangud sa sampaw-sampaw nga mga kaso.
Nadakpan sa Barangay Tambal, Janiuay, Iloilo si Noel Cafe, 60, residente sang Barangay Pamuringao Garrido, Cabatuan, Iloilo.
Si Cafe ang gin-aresto bangud sa kaso nga illegal possession of firearms, murder, kag attempted murder.
Sa interview sang Bombo Radyo kay Police Captain Alwin Salmon, hepe sang Janiuay Municipal Police Station, iya ginpahayag nga si Cafe ang isa ka gun-for-hire nga naga-operate sa 2nd kag 3rd districts sang probinsya.
Suno kay Salmon, madamo pa sang pending nga kaso ang subject bangud sa mga nakomiter nga krimen sa nagkalain-lain nga mga banwa sa Iloilo.
Sang ginserbehan sang warrant of arrest si Cafe, na-recover sa iya ang isa ka 12-gauge shotgun nga may bala.
